Müğənnilər Sevil və Sevinc Səfərovalar bir müddət əvvəl yayılan ailə qurma xəbərindən söz açıb.

Axşam.az-ın məlumatına görə, “Şou ATV” verilişində qonaq olan bacılar aparıcının bunla bağlı suallarını cavablandırıblar.

Sevilin gizli nikaha girməsi xəbərinə Sevinc əsəbiləşdiyini bildirib:

“Nişan da yox, yazılmışdı ailə qurub. Özü də naxçıvanlı iş adamı ilə. Ötəri yanaşdıq, güldük keçdik. İkinci dəfə toy xəbəri yaysalar belə sakit dayanmayacağıq. Nəslimiz, ailəmiz var. Sevil və Sevinc göbələkdir, sahib çıxanı yoxdur? Bilirsiz, nə qədər insan zəng etdi?

Anam Bakıda yoxdur, həyəcanla zəng edib. Deyir, nə xəbərdi? Hər zaman çalışdıq ki, şəxsi həyatla gündəmə gəlməyək. Niyə bizim həyatımız müzakirə edilsin? Toy olsa da, gizlədəcəyik. İstəmirik müzakirə olunsun.

Ailə başçımız qardaşım sayılır. İndi o da Bakıda yoxdur. Anam 1 aylıq getmişdi qardaşımın yanına, karantin başladı qaldı orada.

Sonra da yazdılar ailə qurduqları şəxs hansısa müğənninin keçmiş əri olub. Müğənninin keçmiş əri yaxşı adam olsaydı, elə onun yanında qalardı”.

“Vəziyyət ona doğru gedir ki, qaydalar sərtləşdiriləcək”.

Yenicag.az xəbər verir ki, xanəndə Mənsum İbrahimov marketlərdə sosial məsafəyə və gigiyenik tələblərə əməl olunmadığını təəssüf hissi ilə bildirib:

“Marketə getmişdim, məndən başqa maska taxan yox idi. Hətta mənim maska taxmağıma təəccüblənirdilər. Sosial məsafə gözlənilmir, insanlarda bu qədər arxayınlaşma var. Başa düşürəm hava gözəldi, yazdı, amma biz qaydalara əməl etməliyik ki, bu virus tez qurtarsın, normal həyatımıza qayıdaq, havaya çıxaq. Amma belə getsə, yayı görməyəcəyik, çünki yoluxmanın sayı ikiqat artıb. Vəziyyət ona doğru gedir ki, qaydalar sərtləşdiriləcək.

Ayyarımdır ki, yaşı 65-dən yuxarı olan insanlar evdən bayıra çıxa bilmir. Biz qaydalara əməl edək ki, onların da halına yanaq, çıxmasına şərait yaradaq. Onların hava almağa daha çox ehtiyacları var”.