Belçika Milli Təhlükəsizlik Şurası peşəkar və həvəskar idman yarışlarının keçirilməsinə iyulun 31-dək qadağa qoyub.
UEFA üzv assosiasiyalardan daxili çempionatların avqustun 3-nə kimi bitirilməsini istəmişdi. Fanat.Az HLN-ə istinadən xəbər verir ki, qadağa səbəbindən Belçikada cari mövsümün oynanılması mümkünsüzdü.
Belçika Pro Liqası Avropada mövsümün erkən başa çatmasını təklif edən ilk çempionat idi. Lakin sonradan məsələ ilə bağlı yekun qərar təxirə salınmışdı. 15 mayda keçiriləcək klubların baş assambleyasında Belçikada futbol turnirlərinin başa çatdığının elan ediləcəyi gözlənilir.
Belçikada növbəti mövsümün iyulun 31-dən sonra başlaya biləcəyinə dair də şübhələr var.
