Roma Papası XIV Lev ilk bazar günü moizəsində Ukrayna və Yaxın Şərq, həmçinin Hindistan ilə Pakistan ilə bağlı sülh çağırışı edib.

Vatikanın başçısı Müqəddəs Pyotr meydanında “Göylərin Kraliçası” duasından sonra etdiyi çıxışında İkinci Dünya Müharibəsinin 60 milyon insanın həyatına son qoyduğunu xatırladıb və müasir dövrün siyasi liderlərinə çağırış edib.

Papa Ukraynada ədalətli və dayanıqlı sülhün təmin olunmasına, Qəzzada atəşin dayandırılmasına, girovların azad edilməsinə, humanitar yardımların çatdırılmasına çağırıb: “Sürətli və ədalətli sülhə nail olmaq, bütün əsirlərin azad edilməsi və uşaqların ailələrinə qaytarılması üçün mümkün olan hər şeyi etməyə çağırıram”.

Papa Hindistan ilə Pakistan arasında atəşkəsin əldə olunması xəbərini məmnuniyyətlə qarşıladığını vurğulayıb və yaxın gələcəkdə bu ölkələr arasında barışıq sazişinin imzalanacağına ümid etdiyini vurğulayıb.

İran və ABŞ yaxın vaxtlarda İranın nüvə proqramı ilə bağlı danışıqların beşinci mərhələsini keçirəcək.

Bu barədə IRIB telekanalı məlumat yayıb.

“Tərəflər razılaşıblar ki, danışıqların növbəti raundu yaxın vaxtlarda iki ölkə arasında koordinasiyadan sonra Omandan olan koordinatorun əməkdaşlığı ilə baş tutsun”, – məlumatda deyilir.

Mayın 11-də Oman tərəfinin vasitəçiliyi ilə Maskatda ABŞ və İran arasında dolayı danışıqların dördüncü raundu keçirilib. İki həftəlik fasilədən sonra danışıqlar davam etdirilib. Tehran və Vaşinqton arasında dolayı danışıqların birinci və üçüncü raundu müvafiq olaraq aprelin 12 və 26-da Omanda, ikincisi isə aprelin 19-da İtaliyanın paytaxtı Romada keçirilib.

İran Xarici İşlər Nazirliyinin sözçüsü Tehran və Vaşinqton arasında keçirilən dolayı danışıqların dördüncü mərhələsini şərh edib. O, görüşün “çətin, lakin faydalı” olduğunu deyib.

Hindistan və Pakistan kimi iki nüvə gücü arasındakı aşağı intensivlikli müharibə bütün dünyada ciddi narahatlıq doğurur. Bu toqquşmaların regional balansı poza, hətta qlobal münaqişələrə səbəb ola biləcəyi qeyd olunur. Münaqişənin əsas səbəbi isə tərəflər arasında uzun illərdir həll olunmayan Kəşmir bölgəsi problemidir.

Bu barədə danışan Hindistanın tanınmış tarixçilərindən olan Sajal Nag iki ölkənin həm Kəşmir, həm də Banqladeş məsələləri ilə bağlı indiyə qədər üç dəfə müharibə apardığını xatırladıb.

“Barışıq ancaq hər iki xalqın öz tarixi ilə üzləşməsi və birgə keçmişlərini qəbul etməsi ilə mümkündür. Hindistan və Pakistan arasındakı münaqişələrin əsasında tarixi bir travma və sağalmayan bir yara dayanır. Münaqişənin iqtisadi və beynəlxalq aspektləri olsa da, əsasən bu qarşıdurmalar bir cəmiyyət və mədəniyyət travmasının izlərini daşıyır. Müsəlman və hind kimlikləri üzərindən baş verən bölünmə böyük kütləvi qırğınlarla nəticələndi və bu, iki xalqın ortaq gələcək qurmaq şansını demək olar ki, həmişə əngəllədi”, – o bildirib.

Qeyd edək ki, ötən gün Pakistan və Hindistan arasında atəşkəs barədə razılıq əldə edilib. Daha sonra isə iki ölkə arasında atəşkəsin pozulduğuna dair görüntülər yayılıb.

Rusiyanın Hindistandakı səfirliyi Rusiya vətəndaşlarına Yeni Dehli və İslamabad arasında artan münaqişə fonunda ölkənin təhlükəli ərazilərindən uzaq durmağı tövsiyə edib.

Nazirliyin müvafiq bəyanatı rəsmi “Telegram” kanalında dərc olunub.

Rusiya səfirliyinin qeyd etdiyi kimi, hazırda Hindistan hakimiyyəti bir neçə hava limanını eyni anda bağlayıb. Qucarat, Pəncab, Racastan, Himaçal Pradeş ştatlarında və Cammu və Kəşmir, Ladax və Çandiqarh birlik ərazilərində hava limanları fəaliyyət göstərmir. Üstəlik, belə bir tədbir təhlükəsizliklə bağlıdır. Hava limanları mayın 15-dək bağlı qalacaq.

“Hindistana səyahətinizi planlaşdırarkən bunu nəzərə alın və mümkünsə təhlükəli ərazilərə getməyin”, – bəyanatda deyilir.

Bu arada İslamabad və Yeni Dehli arasında vəziyyət gərgin olaraq qalır. Bu yaxınlarda Hindistan Pakistana qarşı növbəti zərbələr endirib. Ərəb dənizindəki obyektlərə hücum edilib. İslamabad da öz növbəsində düşmən təyyarələrini vurmağa davam edir.

Ən son olaraq ABŞ prezidenti Donald Tramp Hindistan və Pakistanın atəşkəsə razılaşdılarını açıqlayıb.

Yeni Roma Papası XIV Leo süni intellekti bəşəriyyətin ən mühüm problemlərindən biri adlandırıb.

Bu barədə Associated Press məlumat yayıb.

O, sələfi Papa Fransiskin bəzi əsas prioritetlərinə diqqəti davam etdirəcəyini vəd edib və, I Frensiskin “qiymətli irsinin” qorunub saxlanmasına çağırıb.