“Ünvanlı sosial yardım haqqında” qanuna təklif edilən yeni dəyişikliyə əsasən, artıq adında pul krediti olan ailələr də ünvanlı dövlət sosial yardımdan yararlana biləcəklər.

yasamal.tv xəbər verir ki, bunu Əmək və Əhalinin Sosial Müdafiəsi Nazirliyinin Sosial təminat siyasəti şöbəsinin müdiri Babək Hüseynov deyib.

O deyib ki, hazırda müraciət edən ailənin son bir il ərzində götürdüyü kredit onun gəliri hesab olunur:

“Bu, bir çox hallarda ailələrin sosial yardım ala bilməməsinə səbəb olurdu. Yeni dəyişikliklərə əsasən isə kreditlər ünvanlı sosial yardım təyin edilərkən heç bir halda nəzərə alınmayacaq”.

Qeyd edək ki, “Ünvanlı sosial yardım haqqında” qanuna təklif edilən yeni dəyişikliklər layihəsi Nazirlik tərəfindən hazırlanaraq Milli Məclisə təqdim edilib. /Modern.az/

Sosial yardım almaq hüququ ilə əlaqədar ailələr üçün müəyyənləşdirilmiş şərtlər yumşaldılır.

yasamal.tv-ın məlumatına görə, bu, “Ünvanlı dövlət sosial yardımı haqqında” qanuna təklif edilən dəyişiklikdə əksini tapıb.

Qanuna əsasən, sosial yardım hüququna orta aylıq gəliri onlardan asılı olmayan səbəblərdən hər bir ailə üzvü üçün ehtiyac meyarının məcmusundan aşağı olan aztəminatlı ailələr malikdir.(apa)

Təklifə əsasən, bu səbəblər sırasına ailənin əmək qabiliyyətli üzvünün birinci dərəcə əlilliyi olan şəxsə, 8 yaşına çatmamış uşağa və ya sağlamlıq imkanları məhdud 18 yaşınadək uşağa qulluq etməsi, 23 yaşınadək əyani təhsil alması daxil edilir.

Dövlət Təhlükəsizliyi Xidməti (DTX) rüşvət və korrupsiyaya bulaşan icra başçılarını bir-birinin ardınca həbs etməkdədir.

Videomateriallardan da göründüyü kimi, icra başçıları rüşvətxor əməllərini çox rahat formada icra edirlər.

Əvvəlcə Ağstafanın icra başçısı Nizaməddin Quliyev və müavini Ramiz Tatarov, sonra Yevlax Şəhər İcra Hakmiyyətinin keçmiş başçısı Qoca Səmədov, ardınca Neftçalanın icra başçı İsmayıl Vəliyev, daha sonra Biləsuvarın icra başçısı Mahir Quliyev… Dünən isə İmişli Rayon İcra Hakimiyyətinin başçısı Vilyam Hacıyev həbsxanaya göndərildi…

Belə görünür, dövlətin büdcəsini talamağı qarşılarına xüsusi vəzifə qoyan başçılar vətəndaşlara vicdanla xidmət etmək missiyasını çoxdan unudublar.

Maraqlıdır ki, DTX-nın qandalladığı icra başçılar dövlətin orden və medalları ilə təltif olunublar.

Belə ki, Ağstafanın keçmiş icra başçısı Nizaməddin Quliyev “Şöhrət” ordeni, Yevlaxın sabiq icra başçısı Qoca Səmədov 3-cü dərəcəli “Vətənə xidmətə görə” ordeni, Neftçalanın eks-icra başçısı İsmayıl Vəliyev 2-ci dərəcəli “Vətənə xidmətə görə” ordeni, Biləsuvarın əli qandallanmış başçısı Mahir Quliyev 2-ci dərəcəli “Vətənə xidmətə görə” ordeni, İmişlinin həbs olunan icra başçısı Vilyam Hacıyev 2-ci dərəcəli “Vətənə xidmətə görə” ordeni ilə təltif ediliblər.

Bu ordenlər onlara Azərbaycan Respublikasının ictimai-siyasi həyatında uzunmüddətli səmərəli fəaliyyətə və fəal iştiraka görə verilib.

Bəs indki halda Cinayət Məcəlləsinin 308-ci (vəzifə səlahiyyətlərini aşma), 179-cu (mənimsəmə) və 311-ci (rüşvət alma) maddələri üzrə ittiham olunan sabiq icra başçılarının ordenləri geri alına bilərmi?

Milli Məclisin deputatı Fəzail Ağamalı Modern.az-a bildirib ki, vəzifəsindən çıxarılaraq, həbs edilən sabiq icra başçıları bütün orden və medallardan məhrum edilməlidir:

“Əgər həmin icra başçılarının digər dövlət təltifləri varsa, dərhal həmin təltiflərdən də məhrum edilməlidirlər. Ümumilikdə bütün hüquqi imtiyazlardan məhrum edilməlidirlər”.

Fəzail Ağamalının sözlərinə görə, onlar ölkə prezidentinin dövlətçilik siyasətinə qarşı çıxıblar:

“Eyni zamanda, ən ağır əməllə – rüşvətxorluq və korrupsiya ilə məşğul olurlar. Rüşvətxorluq xalqın pulunu mənimsəməkdirsə, korrupsiya isə dövlətin cibinə girməkdir. Bunların hər ikisi bağışlanan davranış deyil. Ona görə də onlara cəza verilməklə yanaşı, korrupsiya və rüşvətxorluq yolu ilə əldə etmiş olduqları mülkləri əllərindən alınmalı, hərraca çıxarılmalı və həmin vəsaitlər yenidən dövlətin büdcəsinə qaytarılmalıdır”.(modern.az)