Ergün Diler

“Takvim” qəzeti, Türkiyə, 29 aprel 2020-ci il

ABŞ prezidenti Tramp koronavirusu hər fürsətdə “Çin virusu” adlandırır, müşaviri Pens isə: “Çini araşdırırıq. Əgər virusun mənbəyinin Çin olduğu ortaya çıxsa, bunun əvəzini ödəyəcəklər”, deyir. Digər önəmli simalar da: “Çinə borcumuzu verməyək. Onları kompensasiya üçün məhkəməyə verək”, deyə təkliflər irəli sürüblər. Görünür, ABŞ Çini sıxışdırmaq üçün artıq yola düşüb.

“Yenidən Böyük Amerika” şüarı ilə gələn Tramp və onun arxasındakı qüvvə həm bütün istehsalı öz torpaqlarına cəlb etmək, həm də pul üzərində sarsılmaz bir hakimiyyət qurmaq istəyir. Bütün mübarizənin mahiyyəti budur.

İndi isə çox da tanımadığımız bir simadan danışaq. Çünki o, müharibə cəbhələrində çox önəmli bir yer tutur. Dərin Amerika sonuncu dəfə onu səhnəyə çıxardı: Maykl Kaputo. O, bəlkə də ABŞ-da Rotşild ailəsini ən yaxşı tanıyan insandır. ABŞ-ın Səhiyyə Nazirliyinə “gizli nazir” olaraq təyin edilib. Onun Səhiyyə və Humanitar Xidmətlər Nazirliyinin İctimaiyyətlə Əlaqələr katibinin müavini olduğu açıqlanıb. Tutduğu vəzifənin adı bu olsa da, o, hər şeyi bilən şəxsdir.

Bəs kimdir bu Maykl Kaputo? Cavab maraqlıdır: Sovet İttifaqının dağılmasını planlaşdıran adam, hələ cəmi 30 yaşında olarkən fövqəladə bir planı həyata keçirən beyin. Həm Reyqana, həm də ata Buşa çox yaxın idi. Sovet İttifaqı dağıldıqdan sonra Rusiyaya köçüb və Yeltsinin əsas məsləhətçisi olub. Kaputo Putini seçən ilk insanlardan biri idi.

O, Putinin imic müşaviri idi. Nə geyəcəyinə, hətta nələrdən danışacağına qərar verən şəxs Kaputo idi. Onun Kremldə Yeltsinin otağı qədər böyük və bənzərsiz bir otağı vardı. Əslində, o, elə Rusiyanı da idarə edirdi. Lakin bunu biz bilmirdik. Arxa plandan xəbərimiz yoxdur.

Kaputo Rotşild ailəsi ilə də məhz Moskvada görüşüb. Ailə Maykl Kaputonu özləri üçün işləsin, deyə razı salmağa çalışırdı. Lakin bunu tam bacara bilmədi.

Putin bu gün Rotşild ailəsi ilə, bəlkə də, heç bir problem yaşamadan addımlarını atsa da, həmin illərdə Rotşild ailəsinin bir çox tələbini rədd edirdi. Bunun arxasında da Maykl Kaputo vardı. O, “Gazprom”un media şirkəti yaratmasına da imkan verib və 2 il rəhbərlik edib. Mixail Xodorkovskinin həbs olunmasına da Kaputo səbəb olmuşdu.

Təxminən 8 il Rusiyada yaşayan Kaputo Putinlə Rotşild ailəsi arasında həmişə vasitəçilik edib. Şübhəsiz ki, bu gün onların addımlarını və gizli planlarını ən yaxşı bilən şəxs Maykl Kaputodur.

Bəs o, indi niyə Amerika səhiyyə sisteminin rəhbərliyinə keçib? Çünki Rotşild ailəsi Amerika səhiyyə sistemini çökdürmək və Böyük Amerika xəyalına son qoymaq istəyir. Hər kəs öz həmlələrini edəcək. Görək nəticəsi necə olacaq?

Kaputo Rotşild ailəsinin Birləşmiş Ştatlarda ortaqlıq etdiyi ən vacib 100 adamı da tanıyır. Necə addım atacağını da yaxşı bilir. Tramp əvvəllər Maykl Kaputoya çox ciddi şəkildə qarşı çıxırdı. Əlbəttə ki, bunda ailənin olan üzvü Kuşnerin də təzyiqləri çox rol oynayırdı. Kuşner Maykl Kaputonun bu vəzifəyə təyin olunmaması üçün əlindən gələni edib, ancaq göründüyü kimi, uğurlu ola bilməyib.

Maykl Kaputo Rotşild ailəsi üçün: “Bu dünya onlardan xilas ola bilməyinc,ə heç vaxt dinc planetə çevrilməyəcək. Hər kəsə nəzarət etmək istəyirlər. Kimə nəzarət edə bilməsələr, məhv etməyə çalışırlar. Mənim üçün də çox maraqlı addımlar atdılar. Ailəmin yanına qədər gələ bildilər. Lakin mən də susmadım. O ailədən qorxmuram. Onları öz vətənləri olan Rusiyadakı güclərini məhv etdim. Onları öz torpağında məğlub etmək daha asandır”, deyib.

Heç kim bu müharibənin ölçüsünü bilməsə də, bütün bu hadisələr daha dərində baş verirdi. Hər iki tərəf bir-birini ittiham edir. Hər iki güc bir-birini sülhə gedən yolda bir maneə olaraq görür.

Kaputonun bu sözləri Rotşild ailəsinə qarşı açıq bir təhdiddir. Üstəlik, Maykl Kaputo ailənin arxasında dayandığı Amerika şirkətlərinə qarşı ağır sanksiyalar tətbiq olunmasını tələb edir. O, bunu Ağ Evə deyil, “Dərin Amerika”ya bir hesabat şəklində təqdim edib. Bu isə ABŞ-da başlayan qasırğanın Avropaya və daha sonra 5 qitəyə yayılacağından xəbər verir. Bunu görmək çətin deyil.

Maykl Kaputo çox aqressiv bir insana bənzəyir. Ancaq heç vaxt öz nəzarətini itirmir. “Dərin Amerika”nın ən önəmli simalarından biridir. Hətta Putinin himayədarı idi. Bəs görəsən, bundan kimlərin xəbəri var idi?..

Putin Maykl Kaputo ilə üz-üzə qalmaq istəmədiyi üçün həmişə onun haqqında müsbət sözlər deyir. “Maykl Kaputo ABŞ üçün böyük bir şansdır”, sözü də Putinə aiddir. Sovet İttifaqını dağıdan, Boris Yeltsinin arxasında dayanan və Putinin məsləhətçisi olan Maykl Kaputonu o vaxt, hələ heç kim tanımırdı. Kremldəki ən nüfuzlu amerikalı kimi yaşayırdı. Bu səbəbdən, Rusiya ABŞ-a müqavimət göstərə bilməz. Putin Maykl Kaputo ilə qarşılaşacağını söyləyə bilməz. Belə bir addım atsa, telefonda üzr istəməsi qaçınılmazdır.

Maykl Kaputonun artıq Ağ Evdə bir otağı var. Belə bir dərin gücə sahib olan və Kremldə, Ağ Evdə işləyən nə qədər adam var ki? Bu cür şəxs yalnız Maykl Kaputodur. Onu başa düşmək istəməyənlər ola bilər. Ağ Evdəki bir neçə şəxs Maykl Kaputodan narahat olduğunu açıq şəkildə deyib. Əlbəttə ki, bunlar Kuşnerin idarə etdiyi komanda idi. Kaputo vəzifəyə gəlməzdən əvvəl 6 nəfərdən ibarət olan bu komanda Ağ Evdən qovulmuşdu. Buna görə, Kaputo çox güclüdür və bunu hiss etdirməyə başlayıb.

Tramp Kaputo haqqında açıq danışa bilməz. Çünki o, bilir ki, Kaputo, həm də 2016-cı il prezident seçkiləri kampaniyasında Stiv Bennonun məsləhətçisi olub. Noyabr seçkilərində yenidən prezident olmaq üçün Tramp bir çox məsələdə güzəştlər gedib və Kaputo da onlardan biri idi. Hər kəslə toqquşan Tramp Kaputo ilə heç bir problem yaşamayıb.

Kaputo ilə keçən günlərlə Ağ Ev daha maraqlı olacaq. Lakin təbii olaraq, bu vəziyyətə qarşı çıxanlar nə edəcəklər? Əsas məsələlərdən biri budur. Əlbəttə ki, güc Kaputonun yanındadır.

Qeyd: Maykl Kaputo da Mayk Pompeo kimi əsgər olub və Rusiyanı ABŞ-a yaxınlaşdıran gücün mərkəzində olub. Rusiya ilə Səudiyyə Ərəbistanı arasındakı neft qiymətləri ilə bağlı mübarizəni də bu baxımdan təhlil etmək önəmlidir. Digər vacib bir məsələ isə odur ki, Tramp: “Əgər bir nəfər istəsəydi, o zaman koronavirus ABŞ-a sıçraya bilməzdi”, deyib, lakin adını çəkməyib. Vaşinqtonun dərinliklərində bu şəxsin Çinlə çox yaxın olan Nensi Pelosi olduğu deyilir. Bütün mübarizə də bundan ibarətdir.(pia.az)