“COVID-19″ testləri cəfəngiyat və saxtakarlıqdır!”
Maksim Şevçenko
“Эхо Москвы”, 16.04.2020
Dostlar, sabah xəstəxananı tərk etməliyəm.
Ancaq daha iki həftə karantində olacağam.
Və bu tamamilə düzgündür.
İlk növbədə (təcili yardım maşınının məni gətirdiyi) 79-cu və bir neçə gün sonra köçürüldüyüm 83-cü xəstəxananın həkimlərinə, tibb bacılarına, tibb qardaşlarına, hər iki cinsdə olan sanitarlara, xəstə baxıcılarına çox təşəkkür edirəm.
Həyatımı xilas etdilər.
Ancaq sizə söyləyəcəyim əsas məsələ budur – testlər tam cəfəngiyatdır.
Və yalnız cəfənfiyat yox, həm də saxtakarlıqdır!
Testlərimin heç biri (beş!) COVID-19-u göstərmədi!
Mən onlarla belə halın olduğunu bilirəm – insanlar ölür, testlərin cavabı isə mənfidir.
Ancaq testlərdə koronavirusun mövcudluğu göstərildiyi, insanın isə özünü sağlam və gümrah hiss etdiyi nümunələrdən də xəbərdaram.
Buna görə iki sual ortaya çıxır:
– Bu saxta testlərdən və COVID-19 ilə bağlı məcburi statistikadan kim pul qazanır?
– Statistikalar və ona bağlı bu “testlər”in saxtalaşdırılması (azaldılması) kimin maraqlarına uyğundur?
(Rusiya kapitalizminin vəhşi, cinayətkar, həyasız və qənimətpərəst xarakterini bilərək) Rusiya Federasiyasında kiminsə maddi marağı olmadan sistemli bir şey edilmədiyinə şübhəm yoxdur.
Mütləq kiminsə həmtayfası, yerlisi, qardaşı, içki-kef yoldaşı, həmkarı və ya qohumu hər hansı bir test, maska, xüsusi qidalanma, peyvənd və digər şeylər üçün dövlətdən milyonluq, hətta milyardlıq icra müqaviləsi qoparacaq.
Sonra bu, ictimaiyyətə açıqlanacaq, hakimiyyətə və cəmiyyətə böyük bir nemət və nailiyyət kimi təqdim ediləcək; əslində, insanlar bu zibilə inandığından, taleyini və həyatını ona etibar etdiyindən təhlükəli olan saxtakarlığın yarıfabrikat məhsuluna çevriləcəklər.
Bunsuz burada heç bir hərəkət ola bilməz – Rusiya Federasiyasında ictimai və ya humanitar, yaxud dövlət maraqları olmadan yalnız idealist-humanistlər (məsələn, həkimlər və tibb işçiləri kimi) hərəkət edirlər.
“Böcəklər”, möhtəkirlər, podratçılar, fırıldaqçılar və oğrularla əhatə olunmuş, büdcədən pul dartıb çıxarma və konkret kimlərinsə cibinə qoymağa qabil məmur kastası isə hər şeydən “pul qazanmağ”a adətkərdədir.
Karantin? Kimsə elektron izləmə sistemi üçün müqavilə bağlayıb!
Karant dövründə cərimələr? Kimsə bu cərimələri toplamaq üçün müqavilə bağlayır.
Testlər? Bizdə hər şey var, hər şey hazırdır, (Putinin ilk nitqindən vaz keçməmiş) vəssalam, bu zibilin kütlələrə təqdim edilməsinə başlanılır.
Səhiyyə sisteminin optimallaşdırma ilə nəyə (soyğunçuluq və talana) çevrildiyinə gəlincə, bu barədə hələ çox danışacağıq.
Hələlik isə bir şey aydındır: ölkəni parçalayıb-yeyən bürokratik kriminal kapitalizmin yalançı sistemi davam edə bilməz və etməməlidir.
Biz sadəcə, ölkəmizi içində mövcud olduğumuz bu absurd cinayətkar kapitalistin İlğım diyarı olmadan özümüzə qaytarmağa borcluyuq.
Ya da gələcək yoxdur – yalnız kumanlar, peçeneqlər, bir də “ağılsız xəzərlər” var.
Tərcümə: Strateq.az
