Astara rayonunda yol qəzası olub.
yasamal.tv-ın məlumatına görə, hadisə rayonun Siyəkü kəndində baş verib.
Belə ki, mişar daşı ilə dolu olan “KamAZ” markalı yük maşınının sürücüsü, rayonun Vaqo kənd sakini, 1964-cü il təvəllüdlü Vüqar Xankişi oğlu Aslanov yolda hərəkətdə olarkən idarəetməni itirib. Nəticədə yük maşını aşıb, bortda olan Sahil Səfərəli oğlu Vəliyev aldığı xəsarətlərdən hadisə yerində ölüb.
Faktla bağlı araşdırma aparılır.
