Tbilisi şəhər məhkəməsi sabiq müdafiə naziri İrakli Okruaşvili 5 il müddətinə azadlıqdan məhrum olunub.

Modern.az Gürcüstan KİV-nə istinadən xəbər verir ki, o 2019-cu ilin iyunun 20-də Tbilisidə etiraz aksiyalarının təşkilində təqsirli bilinib.

Məhkəmə onu qrup halında törədilən zorakılıq aksiyasının təşkilatçısı və iştirakçısı hesab edib.

Ötən gün Türkiyənin daxili işlər naziri Süleyman Soylu istefa verib

O istefasının səbəbini ölkədə epidemiyanın qarşısının alınması məqsədilə verilən yanlış qərarı ilə əlaqələndirib. Amma nazirin istefa ərizəsi prezident Rəcəb Tayyip Ərdoğan tərəfindən qəbul olunmayıb.

İstənilən halda, koronavirus pandemiyası ölkələrin siyasi sisteminə təsir göstərir. Pandemiyanın siyasi nəticələri haqqında Modern.az-a danışan politoloq Tofiq Abbasov isə diqqətə çatdırıb ki, hazırkı proses Dünya Müharibəsi kimi qiymətləndirilir:

“Əslində bu bənzətmədə bir qədər həqiqət var. Karantin dönəmində sosial, siyasi həyat səngiyib. Bir çox güclü dövlətlərin, təşkilatların gücsüzlüyünün şahidi olduq. Hətta Avropa İttifaqı kimi mükəmməl, cəlbedici sayılan təşkilat “çat verib”. Bu onu göstərir ki, proses gedə-gedə insanlar bu təhdidə cavab verirlər. Belə bir vaxtda səhvlərin olması isə normaldır. Bəzi ölkələr koronavirus yayılan kimi onu düzgün analiz edə bilmədilər. Lakin sonrakı gedişat göstərdi ki, situasiya həddindən artıq ciddidir. İnsanları qorumaq üçün özünü təcrid, izolyasiya ən münasib çıxış yoludur. Hansı ölkələrin ki, maddi, qızıl ehtiyyatı var, onlar bir qədər özlərini daha əmin hiss edirlər”.

Pandemiya dövrünün ciddi proses olduğunu qeyd edən T. Abbasovu fikrincə, koronavirus kimin nəyə qadir olduğunu göstərir. O, həmçinin pandemiyyaa görə, bir sıra məmurların, vəzifə sahiblərinin istefasını gözlədiyini bildirib.

“Halbuki postpandemiya dövründə iqtisadi nizam, vəziyyət insanların hansı dayaqlara söykənə biləcəyi məlum olacaq. Postpandemiya dövründə kim güclüdürsə, mövqeyini qoruyub saxlaya biləcək. Böyük itkilərə məruz qalmış tərəflərin siyasətçilərini, məmurlarını isə istefa aqibəti gözləyir. Siyasi aləmdə hər bir eksterimal vəziyyət siyasi elitaların, rəhbərlərin, icraçıların gözlənilməz vəziyyətə hazır olub- olmamasını açığa çıxarır. Bu baxımdan koronavirus pandemiyası dönəmində və bundan sonra istefalar çox olacaq”.

“Hazırda Rusiya Prezidenti Vladimir Putinin səhhəti əladır”.

yasamal.tv bildirir ki, bunu Rusiya Prezidentinin mətbuat katibi Dmitri Peskov deyib.

Onun sözlərinə görə, insanlar bunu Prezidentin iş qrafikindən də görə bilərlər.

Peskov, həmçinin Putinin videokonfranslar formatında görüşlər keçirdiyini, işlərin adi vaxtlardan da çox olduğunu bildirib.

pia.az

Böyük Britaniyanın ölkəmizdəki səfiri Ceyms Şarp koronavirusla mübarizədə dəstək məqsədilə bu ölkənin bayrağının Heydər Əliyev Mərkəzinin üzərində videoproyeksiya olunmasına görə təşəkkürünü bildirib.

yasamal.tv apa.az-a istinadən xəbər verir ki, səfir bu barədə “Twitter” hesabında yazib.

“Bu həm möhtəşəm tamaşa, həm də çox səmimi jestdir. Mən Azərbaycan dövlətinə və Heydər Əliyev Mərkəzinə təşəkkür edirəm və Azərbaycan xalqına can sağlığı arzu edirəm. Bu çətin müddətdə həmrəylik göstərmək və birgə çalışmaq çox vacibdir”, – səfir Şarp belə deyib.

Qeyd edək ki, COVID-19 pandemiyasının yayılmasına qarşı Azərbaycanın beynəlxalq ictimaiyyətlə həmrəyliyinin ifadəsi olaraq aprelin 3-dən etibarən virusdan zərərçəkən dövlətlərin bayrağı həmin ölkənin musiqisinin müşayiəti ilə dünya memarlıq abidələrinin incilərindən olan Heydər Əliyev Mərkəzinin binası üzərinə proyeksiya edilir.