Nəqliyyat, Rabitə və Yüksək Texnologiyalar Nazirliyinə məxsus “Azərpoçt” MMC-də oğurluq hadisəsi baş verib.
Hadisə şirkətin Qaradağ rayonu, Ələt qəsəbəsində yerləşən 81 saylı poçtunda qeydə alınıb.
Belə ki, poçtda daxili yoxlama aparılan zaman 16 min ABŞ dolları (27 200 manat) və 28 min manat vəsaitin naməlum şəraitdə oğurlandığı məlum olub.
Daha sonra “Azərpoçt” bu barədə hüquq-mühafizə orqanlarına müraciət edib.
Faktla bağlı araşdırmalar aparılır. (report)
“Naxçıvan Qarnizonu Qoşunlarının 2020-ci tədris ilinə uzlaşma planı”na əsasən bölük, batareya komandirləri və müavinləri təlim-metodiki toplantıya cəlb ediliblər.
Naxçıvan Qarnizonu Qoşunlarının birləşmə və hissələrində məşğələlərin vahid metodika üzrə keçirilməsinə nail olmaq üçün təşkil olunan toplantıda zabitlərə taktiki sıra üsulu ilə vacib fənlərdən məşğələlər keçirilib.
Zabitlər döyüş sahəsində bölmələrin, şəxsi heyətin və atəşin idarə edilməsi üzrə göstərici və nümunəvi təlimlərin vacib epizodlarını izləyiblər.
Təlimlər zamanı döyüş sahəsində şəxsi heyətin mənəvi-psixoloji vəziyyətinin yüksək səviyyədə saxlanılmasında komandirlərin roluna xüsusi diqqət yetirilib.
“Kollektiv Təhlükəsizlik Müqaviləsi Təşkilatı (KTMT) ilə NATO arasında böyük beynəlxalq problemlərin həllinə fərqli yanaşmaların olmasına baxmayaraq, birbaşa müharibə təhlükəsi yoxdur”.
yasamal.tv xəbər verir ki, bunu KTMT-nin baş katibi Stanislav Zas deyib.
“NATO ilə birbaşa hərbi münaqişə təhlükəsi yoxdur. Hətta böyük beynəlxalq problemlərin və çağırışların həllinə yanaşmalarda fikir ayrılıqlarının mövcudluğuna baxmayaraq, münaqişə üçün əsas görünmür. Üstəlik, biz ümid edirik ki, NATO dövlətlərinin siyasi elitası və ictimaiyyəti bizdə olduğu kimi, bu cür münaqişənin qlobal fəlakətli olduğunu dərk edir”, – deyə KTMT-nin baş katibi vurğulayıb.
O qeyd edib ki, bütün vəziyyətlər izlənilir və diqqətlə analiz olunur: “KTMT sərhədləri yaxınlığında NATO-nun hərbi gücünü və hərbi infrastrukturunu möhkəmləndirməsi (hər il 40-a qədər böyük hərbi təlimlər keçirilir), birgə manevrlərin intensivliyi və miqyaslılığı narahatlıq doğurmaya bilməz. Bütün bunlar KTMT-nin adekvat reaksiyasını və mümkün böhranlı vəziyyətə cavab verməyə hər zaman hazır olmasını obyektivcəsinə tələb edir. Bununla əlaqədar siyasi-diplomatik tədbirlər hazırlanır, KTMT-nin kollektiv qüvvələrinin döyüş imkanlarının yüksəldilməsi ilə bağlı daimi iş aparılır. Bütün bu tədbirlər istisnasız olaraq kollektiv təhlükəsizliyin, KTMT-yə üzv dövlətlərin ərazi bütövlüyü və suverenliyinin təmin olunmasına istiqamətlənib”. (apa)
Özbəkistanda milyardlarla sərvətin taleyi necə olur?
Özbəkistanın Ədliyyə Nazirliyi və Baş Prokurorluğu keçmiş prezidentin qızı Gulnara Kərimovanın Fransadakı 10 milyon dollarlıq aktivlərini ölkəyə qaytara biliblər.
Bu barədə məlumatı Ədliyyə Nazirliyinin mətbuat xidməti yayıb: “Bu vəsait Özbəkistan Respublikasının dövlət büdcəsinə qaytarılıb və ondan ümumi qaydada istifadə olunacaq”.
Hakimiyyət orqanları bildiriblər ki, Karimovanın İsveçrə, ABŞ, Fransa, Rusiya Federasiyası və başqa ölkələrdə olan pul vəsaitlərinin də qaytarılması üçün iş davam etdiriləcək.Keçmiş prezident qızının xarici banklarda 1.3 milyard dollaradək vəsaitinin qaldığı düşünülür.
“CurrentTime” yazır ki, ölkənin birinci prezidenti İslam Kərimov 2016-ci ildə vəfat etdikdən sonra onun böyük qızı Gulnara Kərimova 10 il müddətinə azadlıqdan məhrum edilib. O vergidən yayınmada, oğurluqda, reketçilikdə və ofşor şirkətlərə aid sənədləri məhv etməkdə ittiham olunur.
Üç cinayət işi
Özbəkistanda Kərimovaya qarşı cinayət işi Birləşmiş, lakin o 2019-cu ildə ev məhbusluğunun şərtlərini kobud şəkildə pozduğuna görə Daşkənd vilayətindəki həbsxanalardan birinə köçürülüb.
Kərimovanın özü və onun qızı israr edirdilər ki, ev məhbusluğunun şərtləri pozulmayıb.
Bundan sonra Gulnara Kərimovaya qarşı ikinci cinayət işinə başlanıb. Üçüncü cinayət işi üzrə keçmiş prezident qızına 13 il 4 ay iş kəsilib.
Məhkəmə hökmündə deyilirdi ki, o və bir neçə başqa şəxs “qrup halında reket, büdcə vəsaitlərinin oğurlanması və cinayətkar gəlirin xarici ölkələrdə leqallaşdırılması” kimi cinayət törədiblər.
Yenə bank, yenə pul
Bu arada Özbəkistandan verilən başqa bir xəbərdə deyilir ki, Özbəkistanın artıq yeni prezidenti Şavkat Mirziyayevin böyük qızının əri Oybek Tursunov banklararası “Uzcard” ödəniş sisteminin əksər səhmlərinin sahibi olub.
“CurrentTime” yazır ki, Özbəkistan şirkət və təşkilatlarının dövlət reyestrində qeydiyyatda olan “Vahid ümumrespublika prosessinq mərkəzi” MMM-in təsisçisi dəyişib.
Brend adı “Uzcard” olan müəssisənin direktoru Axror Mahmudov şirkət səhmlərinin 75 faizini Tursunova satıb.
“Vahid ümumrespublika prosessinq mərkəzi” 2019-cu ilə olan məlumata görə 17 milyon “Uzcard” bank kartlarına xidmət göstərir.
Şirkətin saytında deyilir ki, Özbəkistanda 29 bank və 40 ödəniş sistemi “Uzcard”-ın xidmətlərindən istifadə edir.
“Fergana” saytı yazır ki, hakimiyyət mayın 20-dən etibarən bütün pensiya ödənişlərini “Xalq Bankın” Humo kartlarından “Uzcard” sisteminin kartlarına köçürülməsinə dair qərar qəbul edib. Bu da deyilir ki, bu dəyişiklik pensiyaçılardan gələn çoxsaylışikayətlərə görə edilib.
Mirziyayevin də iki qızı var
Şavkat Mirziyayev 2016-cı ildə Özbəkistan rəhbəri olandan bəri, demək olar dərhal övladlarını və yaxınlarını yüksək vəzifələrə təyin etməyə başlayıb. O böyük qızı Saidanı İnformasiya və Kütləvi Kommunikasiyalar Dövlət Agentliyinin direktor müavini təyin edib.
Prezidentin kiçik qızı Şaxnoza 2018-ci ildən Məktəbəqədər Təhsil Müəssisləri Nazirliyində uşaq bağçalarına baxan idarənin rəis müavinidir.
Saidanın əri Oybek Tursunov prezident administrasiyası rəhbərinin müavinidir. Mirziyayevin kiçik kürəkəni Otabek Umarov prezidentin təhlükəsizlik xidmətinin rəis müavinidir.
Ötən ili keçmiş və indiki prezidentlərin övladlarını dolayısı ilə “bağlayan” bir xəbər də yayılmışdı. Daşkənd vilayətinin Bostanlık rayonundakı Sijak istirahət zonasında yerləşən və keçmiş prezident İslam Kərimovun qızı Gulnara Kərimovaya məxsus olmuş malikanə 2017-ci ildə müsadirə olunmuşdu. O vaxt xəbər verilirdi ki, sözü gedən malikanəödənişsiz olaraq Özbəkistanın triatlon –üçnövçülük federasiyasına verilməlidir.
Bu federasiyaya 2019-cu ilin martından Özbəkistan prezidenti mühafizə idarəsi rəisinin birinci müavini, Şavkat Mirziyayevin kiçik qızının əri Otabek Umarov rəhbərlik edir. (azadliq.org)
Bu ilin yanvar-aprel aylarında Azərbaycanda 22 400,5 milyon manat dəyərində ümumi daxili məhsul (ÜDM) istehsal edilib.
“Report” Dövlət Statistika Komitəsinə istinadən xəbər verir ki, bu, ötən ilin eyni dövrü ilə müqayisədə 0,2% çoxdur.
Son 1 ildə ölkədə adambaşına düşən ÜDM-in dəyəri isə 0,7% azalaraq 2 249,7 manat olub.
4 aylıq ÜDM-in 7 870,8 milyon manatlıq hissəsi neft-qaz sektorunun, 14 529,7 milyon manatlıq hissəsi qeyri-neft-qaz sektorunun payına düşüb. Bu, illik müqayisədə müvafiq olaraq 1,5% çox və 0,8% azdır.
Hesabat dövründə ölkədə 13 028,1 milyon manatlıq sənaye məhsulu, o cümlədən 3 882 milyon manatlıq qeyri-neft-qaz sənayesi məhsulu istehsal olunub. Bu isə 1 il əvvələ nisbətən müvafiq olaraq 3% və 16,8% çoxdur.
ÜDM istehsalının 39,3%-i sənaye, 10,7%-i ticarət; nəqliyyat vasitələrinin təmiri, 7,4%-i nəqliyyat və anbar təsərrüfatı, 5,6%-i tikinti, 3,9%-i kənd təsərrüfatı, meşə təsərrüfatı və balıqçılıq, 2%-i informasiya və rabitə, 1,9%-i turistlərin yerləşdirilməsi və ictimai iaşə sahələrinin, 18,9%-i digər sahələrin payına düşüb, məhsula və idxala xalis vergilər ÜDM-in 10,3%-ni təşkil edib.
Milli Məclis Sədrinin müavini, Gənclər və idman komitəsinin sədri Adil Əliyevin rəhbərliyi ilə 2020-ci ilin “Könüllülər ili” elan edilməsinə həsr olunmuş konfrans keçirilib.
Bu barədə “Report”a Milli Məclisin Mətbuat və ictimaiyyətlə əlaqələr şöbəsindən məlumat verilib.
Bildirilib ki, konfransda deputatlar Kamal Cəfərov, Elnur Allahverdiyev, Könül Nurullayeva, Şahin İsmayılov, Şahin Seyidzadə və Ramin Məmmədov, Milli Məclis Aparatının bir qrup əməkdaşı, Gənclər Fondunun icraçı direktoru Fərid Cəfərov, həmçinin ölkəmizdə fəaliyyət göstərən əksər gənclər və könüllülər təşkilatlarının nümayəndələri iştirak ediblər.
Konfransda Azərbaycan Prezidenti İlham Əliyevin 2020-ci ilin “Könüllülər ili” elan edilməsi barədə 2019-cu il 30 dekabr tarixli Sərəncamının mühüm əhəmiyyətindən bəhs olunub. Qeyd edilib ki, bu sənəd ölkəmizdə həyata keçirilən dövlət gənclər siyasətinin bariz nümunələrindəndir, dövlət başçısının imzaladığı bu qərar gənclərin öz potensiallarına inamlarının artmasına mühüm töhfə verib.
“Könüllülər ili” ilə əlaqədar gənclər və könüllülər təşkilatlarının iştirakıyla keçirilən konfransın yekununda birgə bəyannamə imzalanıb. Bəyannamədə deyilir:
– Könüllülük insanları vahid niyyət ətrafında birləşdirən, vətəndaş, cəmiyyət və dövlətin birgə fəaliyyətinin ən uğurlu formatıdır;
– Könüllülük fəaliyyəti vətənpərvərlik məktəbi, öz xalqına, dövlətinə, milli-mənəvi dəyərlərə bağlılıq və xidmət örnəyidir;
– Könüllülər koronavirus pandemiyasına qarşı mübarizədə Azərbaycan Respublikasının Prezidenti İlham Əliyevin və Birinci vitse-prezident Mehriban xanım Əliyevanın çağırışlarına cavab olaraq tənha yaşlılara, aztəminatlı ailələrə baş çəkir, onların zəruri ehtiyaclarının qarşılanmasına köməklik göstərirlər;
– Könüllülər koronavirus pandemiyası ilə mübarizənin ön xəttindədirlər;
2020-ci ilin 9 may tarixində “Könüllülər ili” və gənclər təşkilatlarının fəaliyyəti ilə əlaqədar təşkil olunan konfransda aparılan müzakirələrin nəticəsində könüllülük fəaliyyətinin daha da inkişaf etdirilməsi üçün qanunvericilik təklifləri, o cümlədən, gənclərin şəxsi bilik və bacarıqlarının artırılmasıyla bağlı təkliflər hazırlanacaq, bu sahədə keçiriləcək bütün tədbirlərə hərtərəfli dəstəyin verilməsi təmin ediləcək.
Bəyannaməni aşağıdakı qurumlar imzalayıblar:
1.Yeni Azərbaycan Partiyası Gənclər Birliyi
2.Regional İnkişaf İctimai Birliyi
3.Azərbaycan Respublikası Gənclər Təşkilatı Milli Şurası
4.Azərbaycan Tələbə Gənclər Təşkilatı İttifaqı
5.ASAN Könüllüləri
6.Avropa Gənclər Parlamenti
7.Azərbaycan Gənc Müəllimlər Assosiasiyası
8.“Miqrasiya Könüllüləri” İctimai Birliyi
9.“Aqrar İnkişaf Könüllüləri” Təşkilatı İctimai Birliyi
10.“Bir könüllü” tələbələrin əməkdaşlığı ictimai birliyi
11.Böyük İpək Yolu Gənclər Təşkilatı
12.ELSA Azərbaycan.
Onun sözlərinə görə, kənd təsərrüfatı sektorunda sahibkarlar suvarma sahəsində problemlərlə bağlı müraciət edirlər.
“Bizim üçün bir nömrəli məsələ maliyyə institutlarına çıxışdır. Sosial yardım, subsidiya ilə maliyyə imkanı fərqlidir. Bizim fondlarda, təşkilatlarda yetərincə vəsait var. Səmərəli layihə olarsa, yardım edilir. Biz çalışırıq ki, sahibkarların maliyyə imkanlarına çıxışı olsun”.
Sənətçi “7 canlı” proqramında onlayn toy arzulamadığını söyləyib:
“Elza xanımın gözəl ürəyi var və əla insandır. Amma mən tarixə düşmək istəmirəm. Onlayn toy olmasın. Hamıya xoş günlər arzulayıram”.
Toyu ilə bağlı suallara cavab verən Sevda bildirib ki, hazırlıqları yarımçıq qalıb:
“Karantin bitən kimi toy olacaq. Nişanlım musiqini sevir. Zövqü də gözəldir. Sevinirəm ki, belə gözəl zövqlü, yaxşı insan qabağıma çıxdı. Ailəcanlı insanam. Bilmirəm gələcəkdə nə olacaq. Amma ən xeyirlisi olsun. Aramızda 4 yaş fərq var”.
“Bakı Metropoliteni” QSC-nin Mətbuat xidməti və ictimaiyyətlə əlaqələr şöbəsinin rəhbəri Bəxtiyar Məmmədov AzTV-nin “Gündəlik” verilişinə telefon bağlantısı zamanı deyib ki, metropolitendə qiymət dəyişikliyi birbaşa olaraq Tarif Şurasının səlahiyyətində olan məsələdir:
“Şayiələr ona görə yayıldı ki, insanlar metronun guya qiymətlərin qaldırılması üçün açıldığını deməyə başladılar. Lakin pandemiya bütün dünyada ictimai nəqliyyatın hərəkətində müəyyən məhdudiyyətlər yaranmasına səbəb olduğu kimi, ölkəmizdə də metronun bağlanmasına gətirib çıxardı.
Karantin rejiminin yumşaldılmasından sonra isə Nazirlər Kabineti yanında Operativ Qərargahın müvafiq qərarı ilə Bakı metrosu fəaliyyətə başladı. Həm də Operativ Qərargahın metodiki göstərişləri əsasında. Amma bu, şayiələrin yaranmasına əsas ola bilməz.
Bütün bunların məqsədi ölkəmizdə ictimai nəqliyyat sahəsində hərəkəti asanlaşdırmaq, sərnişinlərə xidmətdir”.
Onun sözlərinə görə, Silahlı Qüvvələrimizin təlimləri hərbçilərin döyüş hazırlığının yüksəldilməsinə, onların peşəkarlığının, praktiki atəş bacarıqlarının inkişaf etdirilməsinə xidmət edir. Çünki bu təlimlərdə hərbçilər müasir hərbi texnika, yeni raket və artilleriya qurğuları ilə daha yaxından tanış olur, ondan dəqiq atəş açmağın sirlərini öyrənirlər.
Polkovnik qeyd edib ki, təlimlərin daha bir önəmi müxtəlif qoşun növləri arasında birgə fəaliyyətin, döyüş əlaqəsinin təmin edilməsi ilə bağlıdır.
“Müxtəlif qoşun növlərinin qarşılıqlı fəaliyyətinin əlaqələndirilməsi, əlaqələndirilmiş işin təmin edilməsi müharibə zamanı qələbə qazanmaq, hər hansı çaşqınlığın və anlaşılmazlığın baş verməsinin qarşısını almaq, qətiyyətlə irəliləmək üçün olduqca vacibdir. Bu baxımdan Azərbaycan Ordusunun mayın 18-dən 22-dək keçiriləcək təlimləri yüksək qiymətləndirilməli, ordumuzun bilik və bacarığının artırılması istiqamətində irəliyə doğru atılan addım kimi xarakterizə edilməlidir. Unutmaq olmaz ki, qələbəyə gedən yol belə təlimlərdən keçir. Odur ki, bu təlimlər qələbə ilə aramızdakı körpü kimi dəyərləndirilməlidir”, – deyə C.Xəlilov vurğulayıb.
