“Ramazan ayı bitdikdən sonra – mayın 25-dən ölkədəki restoran və məscidlərin fəaliyyətinin bərpasına icazə veriləcək”.

APA-nın TASS-a istinadən verdiyi xəbərə görə, bu barədə bazar ertəsi İran hökumətinin rəsmi nümayəndəsi Əli Rabiya məlumat verib.

“Koronavirusun yayılmasına qarşı mübarizə üzrə milli qərargah bütün məscidlərin və dini məkanların, eləcə də müxtəlif restoranların və bərbərxanaların Ramazan ayından sonra tədricən açılmasına qərar verdi”, – deyə Ə.Rabiya bildirib.

O, eyni zamanda, əlavə edib ki, bəzi “ağ” bölgələrdə (koronavirusun ən az yayıldığı ərazilər) bu tip yerlər artıq açıqdır.

Qeyd edək ki, mayın 2-dək İranda epidemiyaya yoluxmaların sayında azalma tendensiyası müşahidə edilir.

Türkiyədə mayın 16-dan etibarən növbəti dəfə 4 gün evdən çıxmaq məhdudiyyəti tətbiq olunacaq.

yasamal.tv bildirir ki, bunu Türkiyə Prezidenti Rəcəb Tayyib Ərdoğan deyib.

Ərdoğan qeyd edib ki, bəzi qadağaların aradan qaldırılması heç kəsi arxayınlaşdırmamalı, kütləvi toplaşma qadağası, sosial məsafə və təmizlik kimi tələbələrə əməl edilməlidir.

Bundan əlavə, Türkiyə Prezidentinin sözlərinə görə, ölkənin 9 vilayətinə giriş-çıxış qadağası ləğv olunur.

Yeri gəlmişkən, Türkiyədə son 24 saat ərzində 1 114 yeni yoluxma halı qeydə alınıb, yoluxanların ümumi sayı 139 771 nəfərə çatıb.

Bundan başqa, koronavirusdan daha 55 nəfər dünyasını dəyişib və ölənlərin ümumi sayı 3 841 nəfərə yüksəlib.

Xəstəlikdən sağalanların ümumi sayı isə 95 780 nəfər təşkil edir.

Polşa hava sərhədlərini bağlı saxlamaqda davam edəcək.

Azərtac xəbər verir ki, bu barədə qərarı ölkənin Baş Naziri Mateuş Moravetski imzalayıb. Qərara əsasən, ölkənin sərhədləri mayın 23-dək bağlı qalacaq.

Qadağa həm daxili, həm da xarici uçuşlara şamil olunub. Yalnız martın15-dək alınmış biletlər, həmçinin 15 nəfərlik şəxsi təyyarələrin uçuşuna icazə verilib. Habelə, ölkələrin öz vətəndaşlarını daşımaq üçün Polşaya göndərdikləri çarter reysləri də uça biləcəklər.