“Moody’s” beynəlxalq reytinq agentliyi bu il ABŞ iqtisadiyyatının 5,7%, təkcə cari ilin II rübündə isə 4,8% azalacağını proqnozlaşdırır.
“APA-Economics”in agentliyə istinadən verdiyi məlumata görə, 2021-ci ildə ABŞ iqtisadiyyatı bərpa olacaq və ÜDM-in artım tempi 4,5% səviyyəsinə yüksələcək.
Agentlik qeyd edir ki, COVID-19 pandemiyası səbəbindən ABŞ iqtisadiyyatının əsas sektorları bağlı qaldığı və işdən azadolma faktlarının sayının kəskin çoxaldığı üçün bu rübdə işsizlik səviyyəsinin 2020-ci ildə pik həddə – 15%-ə çatacağı gözlənilir.
Qeyd edək ki, bu ilin yanvar-mart aylarında ABŞ iqtisadiyyatı illik müqayisədə 4,8% azalıb.
