UEFA quruma üzv olan milli assosiasiyalarla növbəti videokonfrans keçirəcək.
Tədbir mayın 11-nə planlaşdırılıb.
Bu dəfəkı yığıncağın gündəliyi əsasən milli komandalarla bağlı olacaq. Konfrans iştirakçıları koronavirus pandemiyası üzündən taleyi qaranlıq qalan Millətlər Liqası, həmçinin DÇ-2022-nin seçmə mərhələsi ilə bağlı variantlarla bağlı fikir mübadilələri aparılacaq.
Azərbaycan millisinin C liqasının 1-ci qrupunda Lüksemburq, Monteneqro və Kiprlə mübarizə aparacağı turnirin təxirə salınması, ya da ləğvi ilə bağlı qərarın verilməsi də istisna edilmir.
Çünki Millətlər Liqasında 2020/21 mövsümünün tarixinin dəyişməz qalması mümkünsüz sayılır. Təxirə salınan AVRO-2020 və Millətlər Liqasının final mərhələsinin eyni ilin yayında təşkili real deyil. (Apasport.az)
