“Qarabağ”ın futbolçusu Elvin Cəfərquliyevin durumuna aydınlıq gəlib.
yasamal.tv xəbər verir ki, Almaniyada sol ayağının topuq bağından əməliyyat olunan müdafiəçi yaşıl meydana 6 həftə sonra dönə biləcək. Həkimlərin rəyinə əsasən, 21 yaşlı futbolçu yüngül qaçışlarla məşqlərə başlayacaq.
Qeyd edək ki, bir müddət əvvəl Cəfərquliyevin azı 3 ay yaşıl meydanlardan uzaq qalacağı bildirilmişdi.
