ABŞ-ın sabiq Prezidenti Donald Trampa qarşı istintaq davam edir.
yasamal.tv xəbər verir ki, bu barədə “TRT Haber” məlumat yayıb.
Bildirilib ki, eks-prezident 10 ildən artıq var-dövlətinin əsl dəyərini təhrif edərək vergidən yayınmaqda ittiham olunur. Bununla bağlı Tramp Nyu-York Baş Prokurorluğuna çağırılıb. Lakin o, ABŞ Konstitusiyasına əsasən susmaq hüququndan istifadə edərək ifadə verməkdən imtina edib.
Qeyd edək ki, Federal Təhqiqatlar Bürosu Trampın Floridada yerləşən “Mar-a-Laqo” malikanəsində axtarış aparmışdı. Axtarışların təfərrüatları hələlik açıqlanmayıb.
