Gürcüstan hökumətinin qərarı ilə ölkənin Ukraynadakı səfiri Teymuraz Şareşenidze Tbilisiyə çağırılacaq.
yasamal.tv bildirir ki, bunu jurnalistlərə açıqlamasında Gürcüstanın Xarici İşlər naziri Davit Zalkaliani deyib.
XİN başçısı qeyd edib ki, Gürcüstan Ukrayna ilə diplomatik münasibətləri dayandırmaq imkanını və ya strateji tərəfdaşlıq münasibətlərini nəzərdən keçirməyə hazırlaşmır: “Lakin strateji tərəfdaşın Gürcüstan məhkəmə sistemi tərəfindən məhkum edilən və axtarışa verilən şəxsin vəzifəyə təyin etməsi suallar doğurur və ikitərəfli münasibətlərə mənfi təsir göstərir”.
Xatırladaq ki, Gürcüstanın sabiq Prezidenti Mixail Saakaşvili Ukraynanın İslahatlar üzrə Milli Şurası İcraiyyə Komitəsinin sədri vəzifəsinə təyin edilib. Bununla bağlı Ukrayna Prezidenti Vladimir Zelenski müvafiq fərman imzalayıb.
