Bakıda karantin rejimi ilə əlaqədar metronun fəaliyyəti dayandırılandan sonra yarana biləcək sərnişin sıxlığının qarşısını almaq məqsədilə Bakı Nəqliyyat Agentliyi (BNA) tərəfindən müntəzəm marşrutlarla bərabər ekspres marşrut xətləri də istifadəyə verilib.
Hazırda paytaxtda metro stansiyaları arasında 7 ekspres marşrut xətti fəaliyyət göstərir.
“Report” paytaxt sakinlərinin ekspres avtobusların fəaliyyətindən razı olub-olmadıqlarını öyrənib.
Ekspres avtobusların dayanacaqlarında keçirilən sorğuda sakinlər bu tip avtobusların fəaliyyətindən razı olduqlarını bildirib, onların hərəkət intervalında gecikmələrin olmadığını, sərnişinləri mənzilbaşına vaxtında çatdırdığını qeyd ediblər.
