“SpaceX” şirkətinin “Starlink” yerətrafı peyk sistemi Pentaqon tərəfindən yüksək dəqiqlikli silahların hədəf təyin etməsi üçün istifadə oluna bilər.
yasamal.tv xəbər verir ki, bu barədə “Zvezda” nəşrinə hərbi ekspert Aleksey Leonkov danışıb.
A.Leonkov əmindir ki, ABŞ tərəfi Rusiyanın hipersonik silahlarına qarşı “Advanced Battle Management and Surveillance” (ABMS) perspektiv hərbi idarəetmə və müşahidə sisteminin işini təmin edəcək minlərlə kiçik peykdən ibarət dəstə yerləşdirəcək.
Hərbi ekspert “SpaceX” şirkətini “Starlink” peykləri vasitəsilə ABMS məlumatlarının ötürülməsinə dəstək verməkdə ittiham edib.
