Feysbuk, tvitter, instaqram sosial şəbəkələri ABŞ prezidenti Donald Trampın hesablarını dondurub.
yasamal.tv xəbər verir ki, instaqramın baş direktoru Adam Mosseri ABŞ prezidentinin rəhbəri olduğu sosial şəbəkədə bloklanmasının bir neçə saat davam edəcəyini bildirib.
“Biz də həmçinin 24 saat ərzində instaqramda prezident Trampın hesabını bloklayırıq”, – o tvitterdə yazıb.
Qeyd edək ki, analoji açıqlama ilə feysbuk sosial şəbəkəsi də çıxış edib. Trampın feysbukda bloklanması 1 sutka davam edəcək.
Eyni zamanda tvitter də prezidentin hesabını 12 saatlıq dondurub.
Bu sosial şəbəkələrlə yanaşı, yutub videohostinqi də Trampın etirazçılara videomüraciətini bloklayıb. Videohostinq bunu Ağ Ev rəhbərinin daxili qaydaları pozması ilə əsaslandırıb.
Xatırladaq ki, ABŞ rəhbəri qarışıqlıqlar fonunda Kapitolidə etirazçılara müraciət edib. Ağ Ev rəhbəri bildirib ki, prezident seçkilərinin nəticələri “oğurlanıb”. O, həmçinin tərəfdarlarını evlərinə getməyə çağırıb.
