Asiya İnkişaf Bankının (AİB) Direktorlar Şurası tərəfindən Azərbaycan üzrə 2021-2023 illər üçün təsdiqlənmiş biznes planı çərçivəsində bankın ölkəyə 780 mln. ABŞ dolları məbləğində vəsaitin ayırmağa hazır olduğu bildirilir.
yasamal.tv xəbər verir ki, biznes plana əsasən, 2021-ci ildə bank tərəfindən 85 mln. dollar, 2022-ci ildə 370 mln. dollar, 2023-cü ildə isə 325 mln. dollar məbləğində kreditlərin ayrılması nəzərdə tutulub.
Biznes plan çərçivəsində Azərbaycan üçün 5 kredit xətti üzrə – kənd təsərrüfatı (irriqasiya), nəqliyyat (dəmir yolu infrastruktur, maliyyə (bank olmayan kredit təşkilatları və KOB-lar) və təhsil (iqtisadi islahatlara dəstək) sektorlarına vəsait ayrılmasına kredit sifariş olunub.
AİB-in Azərbaycan üzrə yeni biznes planı:
| # | Layihə | Ayrılacaq kredit, mln. $ | İl | |
| 1 | İrriqasiya və drenaj sisteminin inkişafı | 85 | 2021 | |
| 2021-ci ildə ümumi 85 mln. ABŞ dolları | ||||
| 2 | Dövlət sektorunda effektivliyin artırılması və idarə edilməsi İkinci Altproqramı I | 250 | 2022 | |
| 3 | Layihənin daha keyfiyyətli hazırlanması yolu ilə infrastruktur səmərəliliyinin artırılması | 15 | 2022 | |
| 4 | Peşə təhsili sektorun inkişafının Proqramı | 75 | 2022 | |
| 5 | KOB-lar üçün maliyyə vasitəçiliyinin təkmilləşdirilməsi layihəsi | 30 | 2022 | |
| 2022-ci ildə ümumi 370 mln. ABŞ dolları | ||||
| 6 | Dövlət sektorunda effektivliyin artırılması və idarə edilməsi İkinci Altproqramı I | 250 | 2023 | |
| 7 | Beynəlxalq Şimal-Cənub Nəqliyyat Dəhlizi Layihəsinin Cənubi Dəmir Yolu Bölməsinin bərpası | 75 | 2023 | |
| 2023-cü ildə ümumi 325 mln. ABŞ dolları | ||||
Qeyd edək ki, irriqasiya və drenaj sisteminin inkişafı layihəsinə Azərbaycan hökuməti öz tərəfindən əlavə 15 mln. dollar, Beynəlxalq Şimal-Cənub Nəqliyyat Dəhlizi Layihəsinin Cənubi Dəmir Yolu Bölməsinin bərpasına 20 mln. dollar ayıracaq.
Xatırladaq ki, 1999-cu ildən AİB Azərbaycanla əməkdaşlıq çərçivəsində ölkəyə texniki yardım, kredit xətti, qrant və s. şəklində 4,4 mlrd. həcmində vəsait ayırıb.
