Yunanıstan Türkiyənin hüquqlarını qəsb edərsə, bu zaman müharibə başlaya bilər.
yasamal.tv xəbər verir ki, bunu türkiyəli hərbi ekspert, ehtiyatda olan polkovnik Ünal Atabay deyib.
O bildirib ki, Yunanıstan gərginliyi yüksəldərək qazanc əldə etmək istəyir:
“Əgər yunanlar Türkiyənin hüquqlarını qəsb edərsə, bu zaman müharibə başlaya bilər. Türkiyə problemlərin dialoq şəraitində həll edilməsinin tərəfdarıdır. Ancaq Afina eksklüziv iqtisadi zona və qitə kontinentallığı məsələləri barədə danışıqlar aparmaq istəyir. İki ölkə arasındakı problemlər isə təkcə bunlardan ibarət deyil. Türkiyə bütün problemlərin danışıqlar yolu ilə həll olunmasının tərəfdarı olsa da, yunanlar isə buna yanaşmır. Türkiyə haqq və hüquqlarına toxunulduğu an lazım gələrsə müharibəni gözə alar. Ancaq burada itirən yunanlar olar. Adaların çoxunu itirər və Qərbi Trakya da əlindən çıxar”.(axar.az)
