Ermənistan silahlı qüvvələrinin bölmələri cəbhəboyu zonada atəşkəs rejimini yenidən pozub.
yasamal.tv “Qafqazinfo”ya istinadən xəbər verir ki, düşmən bu dəfə Tərtərin Qapanlı kəndini atəşə tutaraq mülki əhalini hədəf alıb.
Pulemyot və snayper tüfənglərindən atılan güllələr kənd sakini Quliyev Zülfüqar Bəhmən oğlunun evinə dəyib, mənzilin pəncərə şüşələrini sındırıb.
Qeyd edək ki, Ermənistan-Azərbaycan Dağlıq Qarabağ münaqişəsi zamanı ən çox zərər çəkən yaşayış məntəqələrindən biri Tərtər rayonunun Qapanlı kəndidir. Təmas xəttinin bir neçə yüz metrliyində yerləşən kənddə düşmən atəşindən zərər çəkməyən demək olar ki ev qalmayıb.
