Fransa Prezidenti Emmanuel Makron Parisin Aleksey Navalnıya və ailəsinə sığınacaq verərək bütün lazımi köməkliyi göstərməyə hazır olduğunu söyləyib.
yasamal.tv bildirir ki, bunu o, Almaniya Kansleri Angela Merkel ilə danışıqlardan sonra bəyan edib.
“Biz Aleksey Navalnı və ailəsinə sağlamlıq, sığınacaq və qorunma baxımından lazımi köməkliyi göstərməyə hazırıq. Bu vəziyyətdən çox kədərləndik və narahat olduq”.
Merkel isə Almaniyanın da Navalnıya tibbi yardım göstərməyə hazır olduğunu bildirib: “Fransaya aid olan eyni şey Almaniyaya da aiddir – biz Almaniya xəstəxanalarında da tibbi yardım göstərilməsinə hazırıq”.
Amma onun sözlərinə görə, bunun üçün Rusiyanın müraciət etməsi vacibdir: “Belə bir vəziyyətin necə baş verdiyi təcili aydınlaşdırılmalıdır. Biz bunda israr edəcəyik”.
Xatırladaq ki, müxalif “Gələcəyin Rusiyası” partiyasının lideri Aleksey Navalnı təyyarə ilə Tomskdan Moskvaya uçarkən halı qəfildən pisləşib və təyyarə Omskda təcili eniş edib. Hazırda o, koma vəziyyətindədir və süni tənəffüs aparatına qoşulub.(virtualaz.org)