Azərbaycan Qiymətləndiricilər Palatası Əsasnamə və Etik Davranış Qaydalarının hazırlanması üçün İşçi Qrupunu yaratdı.
Azərbaycan Qiymətləndiricilər Palatası təşkilatın fəaliyyətinin daha da təkmilləşdirilməsi və üzvlərinin peşə davranışlarını müəyyənləşdirən müvafiq çərçivənin yaradılması məqsədi ilə işçi qrupunun yaradılmasına qərar verib. Yeni yaradılan işçi qrupunun əsas vəzifəsi Palatanın Əsasnaməsini və Etik Davranış Qaydalarını hazırlayaraq Qiymətləndiricilər peşəsinin daha da inkişaf etməsi üçün zəmin yaradacaqdır.
İşçi qrupunun tərkibi müvafiq sahələrdə təcrübəyə malik olan peşəkarlarlardan və hüquqşünaslardan ibarət olacaq. Əsasnamə Palatanın strukturunu, fəaliyyət prinsiplərini, üzvlərinin vəzifə və hüquqlarını müəyyənləşdirəcək. Həmçinin etik davranış qaydaları isə qiymətləndiricilərin peşəkar fəaliyyətində qarşılaşdıqları etik dilemmalar və məsələlərə dair təlimatlar təqdim edəcəkdir.
Palata rəhbərliyi bildirib ki, bu addım, qiymətləndiricilər cəmiyyətində peşəkarlığın və etikanın artırılması, həmçinin Azərbaycanda qiymətləndirmə sahəsinin beynəlxalq standartlara uyğun inkişaf etməsi istiqamətində atılmış mühüm addımdır.
İşçi qrupunun hazırladığı sənədlər geniş ictimai müzakirəyə təqdim ediləcək, qiymətləndiricilərin və mütəxəssislərin rəy və təklifləri nəzərə alınacaq. Bu prosesin sonunda, yeni qanunvericilik çərçivəsinin qiymətləndiricilərin fəaliyyətində şəffaflığı və dürüstlüyü təmin etməsinə təminat veriləcək.
Bu mühüm təşəbbüs, Palatanın üzvlərinə və bütün Qiymətləndiricilər cəmiyyətinə daha yüksək peşəkar standartlar və etik davranış prinsipləri təqdim etməklə, həm yerli, həm də beynəlxalq aləmdə Azərbaycanın qiymətləndirmə sahəsini daha da möhkəmləndirəcək.
