İran ABŞ Mərkəzi Kəşfiyyat İdarəsinə (CIA) məlumat satan Müdafiə Nazirliyinin keçmiş işçisini edam edib.
Strateq.az “Mizan”-a istinadla xəbər verir ki, bunu məhkəmə hakimiyyətinin sözçüsü Qulamhüseyn İsmaili bildirib.
Onun sözlərinə görə, təqsirləndirilən şəxs – Rza Əsgəri Müdafiə Nazirliyində çalışdığı son illərdə CIA ilə əlaqə qurub və məxfi agentliyə İranın raket proqramı ilə əlaqəli məlumatları ötürüb.
Əsgəri 4 il əvvəl təqaüdə çıxıb.
İsmaili bildirib ki, Rza Əsgəri keçən həftə edam olunub.
ABŞ və İsrail kəşfiyyatlarının nəfinə casusluq etməkdə günahlandırılan Mahmud Musəvi-Məcd də edam hökmünün icra edilməsini gözləyən şəxslər sırasındadır.
Keçən il İran CIA-ya işləyən 17 casusu ifşa etdiyini açıqlayıb.
