Türkiyədə koronavirusa yoluxan tibb işçilərinin sayı açıqlanıb.
yasamal.tv bildirir ki, bu barədə ölkənin Səhiyyə naziri Fahrettin Koca məlumat verib.
Onun sözlərinə görə, Türkiyədə indiyədək 7428 tibb işçisi koronavirusa yoluxub. Ölkədə 1,1 milyondan çox tibb işçisinin olduğunu deyən nazir vurğulayıb ki, onlar arasında yoluxma sayı 6,5%-dir.
Nazir onu da bildirib ki, son sutkada daha 89 nəfər pandemiyanın qurbanı olub. Beləliklə, koronavirusdan ölənlərin ümumi sayı 3 081 nəfərə çatıb.
F.Koca həmçinin daha 2 936 nəfərə koronavirus diaqnozu qoyulduğunu və bununla da infeksiya daşıyıcılarının sayının 117 589-a yüksəldiyini bildirib.
F.Koca onu da xatırladıb ki, Türkiyədə indiyədək 44 022 nəfər koronavirusdan sağalaraq xəstəxanalardan evə buraxılıb.
